Алматы облысының туристік орындарына апаратын негізгі жолдар бойында 40 жуық көрсеткіш пен стела орнатылады

Алматы облысының туризм басқармасы 2023 жылы облыстың негізгі туристік орындарына туристік көрсеткіштер жүйені орнату жобасын іске асыруды бастады.
Сондай-ақ, Алматы облысы табиғи ресурстарға бай және қолайлы инвестициялық климаты бар келешегі зор өңірлердің бірі екенін атап өткен жөн. Бұл ретте өңірдің айтарлықтай өндіріс әлеуеті бар, барлық маусымдық туризмді дамытуға да қолайлы.
Бірақ ең басты аймақтың ерекшелігі, мұнда туризмнің барлық түрлерін толықтай дамытуға болады: әдет-ғұрыптық, экологиялық, мәдени-тарихи, кемпинг, гастрономиялық, аңшылық, этнографиялық және тіпті әлеуметтік. Бұл аймақ бүгінде елдің бизнес қоғамдастығын және шетелдік туристерді тартады.
Жүргізілген жұмыстардың қорытындысы бойынша Алматы облысының туристік орындарына 40-қа жуық көрсеткіш пен стелла, оның ішінде көлге апаратын негізгі жолдар бойында Есік өзені, Түрген шатқалындағы Ассы үстірті, ЮНЕСКО нысаны – «Талхиз» қалашығы, Жамбыл ауданындағы «Таңбалы» қорық мұражайы, Іле өзені шатқалындағы петроглифтер немесе «Тамғалы тас», Көлсай және Қайыңды көлдері, Саты шатқалы, Кеген ауданындағы «Мұзтау» ыстық бұлағы, Шарын және Қара шатқалы, сондай-ақ Қонаев қаласының ішіне және Қапшағай су қоймасының жағалауына орнатылатын болады.
Жеңіл инфрақұрылымды құру Қазақстан Республикасының туристік саласын дамытудың 2023-2029 жылдарға арналған тұжырымдамасын іске асыру шеңберінде жүргізіледі. Негізгі мақсаты – туризм инфрақұрылымын жақсарту, туристердің туристік-рекреациялық инфрақұрылым объектілеріне қол жеткізуін жеңілдету және олардың таныс емес жерлерде ыңғайлы жүруіне мүмкіндік жасау.
Жалпы, туристік көрсеткіштік жүйені орнату жөніндегі жобаны іске асыру Алматы облысының туристік саласын дамытудағы маңызды қадам болып табылады және алдағы жылдарға арналған Қазақстанда туризмді дамыту тұжырымдамасының мақсаттарына қол жеткізуге ықпал етеді.

• 18.09.2023
• 167