денсаулық сақтау саласы

2023 жылы денсаулық сақтау саласына қарастырылған қаражат 108 млрд теңгеге жеткізілді. Бұл 2022 жылмен салыстырғанда 23% - ға артық. 2023-2024 жылдары ауылдық жерлерде 25 алғашқы медициналық-санитарлық көмек көрсету нысандары салынады, 6-ның құрылысы биыл басталды. 2,4 млрд теңгеге 49 денсаулық сақтау нысаны жөнделуде.
Емдеу мекемелерін қажетті құралдармен жабдықтау қолға алынды. Келер жылы денсаулық сақтау нысандарын 100 % жабдықтау жоспарланған.
Облыста 304 дәрігер жетіспейді. 2022 жылы облыс 89 маманмен қамтылса, биыл 133 маман келді. Дәрігерлерге төленетін көтерме төлемдер ұлғайтылды. Сондай-ақ, 70 маман бюджет есебінен біліктілігін арттырады. Алдағы екі жылда кемінде 100 дәрігерді оқыту жоспарланған. Жалпы, 377 маман біліктілігін арттырудан өтті. Алғаш рет 20 дәрігер Израильдің үздік клиникаларында тағылымдамадан өтті. Тағылымдамадан өтетіндердің екінші легі қазан айында жолға шығады.

• 28.09.2023
• 157