Мемлекет басшысының тапсырмасына сәйкес, адам капиталын дамытудың негізі болып саналатын білім саласына айрықша көңіл бөлінуде.

Соның бір дәлелі ретінде, Жамбыл облысында «Ауылдық жерлердегі тірек мектептерінің әлеуетін арттыру» жобасы аясында тағы екі тірек мектеп өз жұмысын бастағанын айтуға болады.

Олар - Мойынқұм ауданындағы Т.Рысқұлов атындағы тірек мектебі және Жуалы ауданындағы Ә.Бөкейхан атындағы мектеп-лицейі.

Аталған жоба білім беру сапасын арттыруға, үздік педагогикалық тәжірибелер мен әдістемелерді енгізуге және тірек мектептерді қажетті материалдық-техникалық базамен қамтамасыз етуге бағытталған. Жобаға енген мектептердің материалдық-техникалық базасы жаңартылуымен қатар, оқытушылар құрамы тәжірибеден өтіп, әдістемелік қолдау алуда.

Кеше Мойынқұм ауданына жұмыс сапарымның барысында Рысқұлов атындағы тірек мектебінің таныстырылымына қатыстым.

Құрметті қонақтармен бірге облыс орталығынан ең шалғай орналасқан тірек мектебінің оқу кабинеттерін аралап, балалардың шығармашылық жетістіктерімен таныстық.

• 02.10.2023
• 151