Барша спортшыларға сәттілік!

Ханчжоуда өтіп жатқан жазғы Азия ойындарында "Кураш" спорт түрінен 81 келіге дейін салмақта күміс жүлдегер атанған жерлесіміз Бекәділ Шаймерденовті жеңісімен шын жүректен құттықтаймын!

Спортшының жетістігі - барша жамбылдықтардың, еліміздің мерейілі мәртебесі.

Сондай-ақ, жамбылдық боксшы Асланбек Шымбергенов ширек финалда тамаша өнер көрсетіп, жартылай финалға жолдама алды.

Бұдан бөлек, Азия ойындарында су добынан Қазақстан әйелдер құрамасы үшінші орынды иеленді. Құрамадағы 13 қыздың 9-ы жамбылдық.

Байрақты бәсекеге 30 спорт түрінен ел намысын қорғауға 525 спортшы аттанған десек, Жамбыл облысынан 37 спортшы жолдама алған.

Барша спортшыларға сәттілік, жарқын жеңіс тілеймін!

• 02.10.2023
• 156