Қарттар күніне арналған ауқымды іс-шаралар өткізілді

Халықаралық қарттар күнінің 1991 жылдан бері атап өтіліп келе жатқанына қарамастан биыл Алматы облысы бұл күнді кең көлемде өткізуге шешім қабылдады. Облыстың барлық аудандары мен қалаларында, ауылдық округтерде концерттер мен фестивальдар, көрмелер, дөңгелек үстелдер, көркемөнерпаздар ұйымдарының байқаулары, спорттық жарыстар, демалыс кештері салтанатты жағдайда өткізілді. Әрбір шара қуаныш пен қызыққа толы болды. Барлық өңірде әр алауан ұлттың тілінде сүйікті әндер шырқалып, би биленді. Зейнеткерлердің өзі ән айтып, би билеп, мәре-сәре болды. Бұл мерекенің әрбір жанның жүрегіне жылулық сыйлап көңілдерін қуанышқа бөлегені анық.
Мұндай шаралар әсіресе Кеген, Іле, Райымбек, Ұйғыр аудандардарының ардагерлер ұйымдары жоғары деңгейде ұйымдастырды. Бұл аудандар облыста алғашқы болып жергілікті атқарушы органдармен, қоғамдық ұйымдармен және діни конфессиялармен бірлесе отырып, қарттарға құрмет пен қошамет көрсетті. Қатысқан адамның көптігі соншалық, бұл шаралар бұқаралық шараға айналды.

• 02.10.2023
• 130