️СҚО әкімі Ғауез Нұрмұхамбетов жылу станциясында штабтың отырысын өткізді

Облыс әкімі Ғауез Нұрмұхамбетов бүгін 2-ші жылу электр орталығында болып, жылыту маусымына дайындық бойынша облыстық штабтың отырысын өткізді. Станцияда жылыту маусымына 10 қазандық пен 6 турбоагрегат дайын. Бұл облыс орталығын жылумен қамтуға мүмкіндік береді.

Жаңа мұржаның құрылысы жалғасады. Қазір мұржаның ауытқыған жері алынуда. Мамандардың айтуынша, бұл мұржаның болмауы жылыту маусымына әсер етпейді. Сондай-ақ қалада жылу желілерін ауыстыру және жылу магистральдарын тарту жұмыстары жүргізілуде.

"Қала тұрғындарын облыс орталығын жылумен қамту мәселесі алаңдатып отыр. Қаламызды жылумен үздіксіз қамтамасыз ету жөнінде Мемлекет басшысының тапсырмасы бар. Мен бұл мәселені қатаң бақылауда ұстаймын", - деп жазды облыс әкімі әлеуметтік желідегі парақшасында.

• 02.10.2023
• 171