Солтүстікте әлем чемпионы Ризабек Айтмұқанға құрмет көрсетілді

"Жерлесіміз, еркін күрестен әлем чемпионы Ризабек Айтмұқан елге оралды. Ризабек - Қазақстандағы талай балуандардың арманын орындаған спортшы. Ризабек Айтмұқан – еліміздің тарихында еркін күрестен әлем чемпионы атанған тұңғыш балуан", - деп жазды облыс әкімі Ғауез Нұрмұхамбетов әлеуметтік желідегі парақшасында.

Сенбі күні батырымызды үлкен жеңісімен құттықтауға өңірдің спорт қауымы жиналды, алғыс хат пен ақшалай сыйақы табыс етілді.

Бала кезінен спортқа баулыған әкесі әрі бапкері Қанат Айтмұқанұлының еңбегі зор, өңір басшысы анасы Гүлияр Сембиқызына да алғыс білдірді.

"Ризабектің жеңісі – жас спортшыларға үміт сыйлады, өйткені ауылдың баласы әлемді бағындырды. Келесі жылы Парижде өтетін Олимпиадада Ризабек жеңіс тұғырына көтерілсін деп тілейміз. Жерлестер әрқашан қолдап жүреді", - деді өңір басшысы. 

• 02.10.2023
• 182