Жетісу облысы Талдықорған қаласының тұрғындарымен кездесу

29 қыркүйекте Қазақстан Республикасы Қаржы Вице-министрі Д.Ө. Темірбековпен бірлесіп Жетісу облысы Талдықоған қаласының тұрғындарымен онлайн форматта кездесу өткіздім.

Кездесуге Талдықоған қаласы әкімдігі Қаржы басқармасының басшысы Ж.Н. Керімбекова, «Самұрық-Қазына» ұлттық әл-ауқат қоры» АҚ-ның Активтерді жекешелендіру және қайта құрылымдау департаментінің басшысы Д.А. Адиходжаев, сондай-ақ БАҚ өкілдері қатысты.

Дәурен Темірбеков жекешеледірудің тарихы туралы қысқаша айтып кетті, сондай-ақ жекешелендіру және ірі ұлттық компаниялардың IPO-сын өткізу арқылы экономиканы одан әрі мемлекет иелігінен шығару міндеттері туралы және жекешелендірудің 2021-2025 жылдарға арналған кешенді жоспарын жалпы республика және облыс бойынша іске асыру туралы баяндады.

Кездесу қатысушылары жекешелендіру, IPO және SPO қатысу рәсімдері бойынша, сондай-ақ монополиясыздандыру және тәркіленген мүлікті пайдалану шеңберінде жүргізілген жумыс туралы сұрақтар қойды.

Қойылған барлық сұрақтарға жауап берілді, сондай-ақ IPO және SPO туралы қойылған сұрақтарға жауаптарды «Самұрық-Қазына» ұлттық әл-ауқат қоры» АҚ өкілдері толықтырды.

Кездесу барысында ресми тәртіпте өтініш жасау – мемлекеттік органмен бірге проблемалық мәселені шешудің тиімді тәсілі екендіг айтылып өтті.

• 02.10.2023
• 252