АЛМАТЫДА ЗИЯТКЕРЛІК МЕНШІК БОЙЫНША ЖАЗҒЫ МЕКТЕП ӨТТІ

2023 жылғы 18-29 қыркүйек аралығында Алматыда Халықаралық ақпараттық технологиялар университетінің (ХАТУ) базасында Дүниежүзілік зияткерлік меншік ұйымының (ДЗМҰ) қолдауымен Qazpatent ұйымдастырған зияткерлік меншік бойынша жазғы мектеп сәтті өтті. Қазақстанда ДЗМҰ жобасы екінші жыл қатарынан өткізілуде.

Жетекші сарапшылардың дәрістерін қамтитын бұл екі апталық білім беру іс-шарасы қатысушыларды зияткерлік меншік әлеміне батырды. Жазғы мектептің дәріскерлері ДЗМҰ, Еуразиялық патенттік ведомство өкілдері, қазақстандық патенттік сенім білдірілген өкілдер, заңгер-практиктер, Qazpatent бизнес-сарапшылары мен спикерлері, сондай-ақ зияткерлік меншік саласындағы басқа да сарапшылар болды.

Мектепке қатысушылар зияткерлік меншік саласындағы мамандарды, менеджерлерді, бизнес өкілдерін, патенттік адвокаттарды, екі университеттің технологиялар мен инновацияларды қолдау орталықтарының үйлестірушілерін, тәжірибелі заңгерлерді, студенттер мен өнертапқыштарды қамтыды.

Іс-шара бағдарламасы зияткерлік меншіктің әртүрлі аспектілерін қамтыды, соның ішінде бағалау, брендтеу, материалдық емес активтерді басқару, Технологияларды беру және қорғау, лицензиялау, авторлық және сабақтас құқықтар, патенттер мен инновациялар, сауда белгілері, зияткерлік меншіктің бұзылған құқықтарын қорғау және басқа да өзекті мәселелер.

Бағдарлама аясында Әл-Фараби атындағы Қазақ Ұлттық Университетінің ғылыми-технологиялық паркіне, Қазақстан Республикасының орталық мемлекеттік мұражайына, ҚазҒЗИ Медеу және помологиялық бағына экскурсиялар ұйымдастырылды.

2023 жылғы 29 қыркүйектегі қорытынды күні жазғы мектеп қатысушылары топтық пікірталастарға қатысып, ұсынылған тақырыптар бойынша өз баяндамаларын ұсынды. Қатысушылар іс-шараны жоғары бағалап, оның маңыздылығын атап өтті.

Іс-шара зияткерлік меншік бойынша Жазғы мектептің сәтті өткендігін растайтын сертификаттарды табыстаумен аяқталды.

• 03.10.2023
• 188