Өңір басшысы Асайын Байханов жұмыс сапарымен Шарбақты ауданында болып, жергілікті ақсақалдармен кездесті.

Жұмыс сапары Малиновка ауылында салынып жатқан су құбырына барудан басталды. Бүгінгі таңда мұндағы жұмыстардың 60%-ы орындалды, желілер төселіп, құбырлар үйлерге дейін тартылды. Қазір сорғы, тазалау станцияларының құрылысы және жабдықтарды орнату жұмыстары жүргізілуде. - Сондай-ақ, Сынтас және Сахновка ауылдарында да су құбырлары салынуда. Бұл ауылдардың тұрғындары суды көптеген жылдар бойы күтуде, сондықтан, біз өз уәдемізді орындауымыз керек, - деп атап өтті өңір басшысы. Асайын Байханов барлық жобаларды қатаң бақылауға алып, тұрғындарды таза ауыз сумен қамтамасыз етуді және жұмыстарды қараша айының басына дейін аяқтауды тапсырды. Одан кейін облыс әкімі Шарбақты ауылындағы астық қоймасы мен теміржол тұйығы құрылысының барысымен танысты. Жалпы құны 500 млн теңгеден асатын бұл инвестициялық жоба 2022 жылдан бастап іске асырылуда. Қуаттылығы тәулігіне 2400 тонна дәнді және майлы дақылдар шығару жоспарлануда. Өңір басшысы ауданның танымал және белсенді тұрғындарымен кездесу өткізді. Ол кез-келген жұмыста аға буынның тәжірибесі мен ақылына сүйену өте маңызды екенін атап өтті. Кездесуде қатысушылар ауданды одан әрі дамыту мәселелерін талқылады, әкім алдағы кезеңге арналған жоспарлар туралы қысқаша баяндады. Атап айтқанда, 2024 жылы Сынтас, Татьяновка, Сахновка және Чушкалы ауылдарында интернет қосылады. Сондай-ақ, Чигирин орта мектебіне күрделі жөндеу жұмыстарын жүргізу, 3 медициналық орталыққа автокөлік сатып алу, кентішілік және кірме жолдарды жөндеуді жалғастыру жоспарлануда. Ақсақалдар өз кезегінде бірлескен жұмыстың маңыздылығын атап өтіп, ауданның дамуы туралы өз ойларын ортаға салды. Облыс әкімі кездесу барысында айтылған барлық ұсыныстар мен мәселелер назарға алынатынын атап өтті.

• 11.10.2023
• 121