Облыстық прокуратурада Павлодар облысының жаңа прокуроры таныстырылды. Іс-шараға өңір басшысы Асайын Байханов қатысты.

Қазақстан Республикасы Президентінің келісімі бойынша Бас Прокурордың 2023 жылғы 3 қазандағы бұйрығымен 3-сыныпты мемлекеттік әділет кеңесшісі Берік Қуанышбекұлы Жүйріктаев ротация тәртібімен Павлодар облысының прокуроры болып тағайындалды. Берік Қуанышбекұлы Жүріктаев 1978 жылы 16 маусымда дүниеге келген. «Тұран» университетінің түлегі. 1999 жылдан 2010 жылға дейін Алматы қаласы және Алматы облысының прокуратураларында түрлі лауазымдарда жұмыс істеді. 2010 жылдан 2013 жылға дейін Алматы прокурорының орынбасары, Алматы облысы прокурорының бірінші орынбасары, одан кейін 2018 жылға дейін Алматы прокурорының бірінші орынбасары болып қызмет атқарды. Осы лауазымға тағайындалғанға дейін 2018 жылдан бастап Алматы қаласының прокуроры болып жұмыс істеді.

• 11.10.2023
• 142