Берік Әбдіғалиұлы: бөгеттердің маңайында суармалы егістікті дамыту қажет

Ұлытау облысының әкімі Жаңаарқа ауданы Орынбай ауылынан 25 шқ. жерде орналасқан Манақа бөгетіндегі күрделі жөндеу жұмыстарын қарады. Жөндеу барысында оның ұзындығын 2080 метр, жотасының енін 8 метр ету жоспарланған.

Нәтижесінде Сарысу және Манақа өзендері арнасынан су қоры жиналып, маңайындағы елдімекен, шаруа қожалықтарын сумен қамту, балық шаруашылығын дамыту мүмкін болмақ.

Облыстағы ең үлкен жоба 2022 жылы маусым айында басталған. Құны 589 миллион теңге. Бөгеттің күрделі жөндеуі жыл соңында аяқталады деп күтілуде.

Берік Әбдіғалиұлы жоба аяқталғаннан кейін бөгет маңайында жоңышқа, көкөніс өсіруді қолға алу қажеттігін айтты. Қожалық иелерінің суармалы егістікті дамытып, көкөніс сақтайтын жоба дайындаған жағдайда салған қаражаттың 50%-ын қайтарып алу мүмкіндігі бар екенін ескертті.

• 16.10.2023
• 141