Жылыту маусымын бастау жұмыстары жалғасуда

Жылыту маусымын бастау жұмыстары жалғасуда. Дайындық барысын тексеріп, жауапты тұлғаларға тиісті тапсырмалар жүктедім.

Тараз қаласындағы бірқатар әлеуметтік нысандарға, тұрғын үйлерге жеке өзім барып, жылумен қамтылу жұмыстарын көрдім.

Облысымыздағы Тараз, Жаңатас, Қаратау және Шу қалаларының жылу энергетикалық кешендерінің толыққанды жұмыс істеуі, тұрғын үй және әлеуметтік нысандарды жылумен үздіксіз қамтамасыз ету бойынша тапсырмалар бердім.

Тараз қаласындағы жылу желілерінің 57 пайызы тозғанын ескерсек, бұл бағытта ауқымды жұмыстар күтіп тұр. Ұйымдастырушылық және кадрлық өзгерістерді қажет етеді. Тұрғындардың өтініштеріне жедел назар аудару маңызды.

Ағымдағы жылдың 12 қазанынан бастап облыс орталығында жылыту маусымы басталды.

Бүгінгі таңда Тараз қаласы 80 пайызға жылуға қосылды. Жылумен жабдықтау кезең-кезеңімен ағымдағы жылдың 17 қазанына дейін жалғасып, толығымен аяқталады.

• 16.10.2023
• 181