Қайтарымсыз гранттарды бөлу тікелей эфирде жүргізіледі

Сыбайлас жемқорлыққа қарсы іс-қимыл мәселесінің өзектілігін және Мемлекет басшысы жүктеген міндеттерді ескере отырып, сыбайлас жемқорлыққа қарсы шараларды қайта қарауға өз жұмысымда айрықша басымдық беруді жалғастыра беремін.

Бүгінде бұл бағыттағы жұмыстарды облыстың әлеуметтік салаларындағы және кәсіпкерліктегі сыбайлас жемқорлық тәуекелдерін алдын алудан бастап, алғашқы нақты шараларды қолға алдық. Ол үшін өңірдегі жемқорлыққа қарсы іс-қимылдың жаңа тәсілдерін енгізуге күш салудамыз

Мектептер, ауруханалар, спорт кешендері басшыларының бос лауазымдарына орналасуға арналған конкурстарды әлеуметтік желілер арқылы тікелей эфирде көрсететін боламыз.

Облыстық кадр резерві құрылады. Комиссия құрамына сала ардагерлері мен барлық мүдделі азаматтар енеді, олар резервте тұрғандардың қатарынан кадрларды іріктеумен айналысатын болады.

Бизнес-идеяларды іске асыру үшін берілетін қайтарымсыз гранттарды бөлу процесін де тікелей эфир арқылы көрсетеміз. Жыл басынан бері көп балалы аналарға, ерекше қажеттілігі бар адамдарға, мүгедек балалар тәрбиеленіп жатқан және асыраушысыз қалған отбасыларға жалпы көлемі 1081,6 млн. теңгені құрайтын 784 грант берілді. Биыл барлығы 1 054 грант беру жоспарланған.

• 18.10.2023
• 144