Облыста туристік қызметтерді қолжетімді ететін кәсіпкерлерге мемлекет тарапынан бірқатар қолдау бар

Облыста туристік қызметтерді қолжетімді ететін кәсіпкерлерге мемлекет тарапынан бірқатар қолдау бар. Бұл жайында Берік Әбдіғалиұлының төрағалығымен өткен аппараттық кеңесте айтылды.

Атап айтар болсақ, туристік тасымал жасау үшін өз есебінен микроавтобустар сатып алған жағдайда кәсіпкерге транспорт қаражатының 25%, қонақ үй құрылысы жобасын жүзеге асырған жағдайда шығынның 10% қаражаты қайтарылады.

Берік Әбдіғалиұлы автобустарды сатып алып, туристік тасымалдау қызметін көрсету - алдымен қонақ үйі бар кәсіпкерлерге қолайлы екенін айтты.

«Тас жолдардың бойында, туристік орындарда қонақтарға көрсетілетін санитарлық-гигиеналық жағдайлардың сапасы сын көтермейді. Сырттан келген адамдарға алдымен сол жағдай қарастырылуы керек. Одан кейін, Жезқазған қаласының әкімдігіне Жошыхан, Алашахан кесенелерінің жанынан келесі жылы туристік модуль орнатуды тапсырамын»-деді өңір басшысы өз сөзінде.

Сонымен қатар, Ұлытау облысы кәсіпкерлік және өнеркәсіп басқармасының басшысы Данияр Арынғазиннің баяндауынша өңірдегі тас жолдар бойында орналасқан 26 санитарлық-гигиеналық торап бар. Олардың күтіміне келесі жылдан бастап ай сайын 83 мың теңге бөлу үшін қаражат қарастырылды. Бұл ретте өңір басшысы гигиеналық орындар санын көбейту қажет екенін жеткізді.

• 31.10.2023
• 172