Әкімдікте жолдарды қыста күтіп ұстау және баспана салу талқыланды

Солтүстік Қазақстан облысы әкімдігінде аппарат жиналысы өтіп, онда жолдарды қыста күтіп ұстау және тұрғын үй құрылысы тақырыптары әңгіме арқауына айналды.

Бірінші мәселе бойынша облыс басшысы Ғауез Нұрмұхамбетов көп ылғал түскен кездегі іс-қимылдың нақты алгоритмін әзірлеуді тапсырды. Жолдардағы төтенше жағдайлардың алдын алу, сондай-ақ оларды уақытылы тазарту және ауылдарға қатынауды қамтамасыз ету маңызды.

«Бүкіл аудандарды аралап, қар тазалау техникасының дайындығын тексеру керек. Әр ауылда мәселені хабарлайтын жауапты тұлғаны анықтау қажет. Петропавлда жаяу жүргіншілер үшін қолайлы қалалық ортаны қамтамасыз ету үшін тротуарларды уақытылы тазартып, көктайғақ жерлер мен аялдамаларға арнайы материалдар төсеу қажет», - деді Солтүстік Қазақстан облысының әкімі.

Өңірде тұрғын үй құрылысы мәселесіне де ерекше көңіл бөлінуде. Ғауез Нұрмұхамбетов жобаларды жүзеге асыру қатаң түрде кестеге сәйкес жүруі керектігін және белгіленген мерзімді сақтаудың маңыздылығын атап өтті. Сондай-ақ, өңір басшысы жыл соңына дейін 300 мың шаршы метрді пайдалануға беру жөніндегі межеге қол жеткізу қажеттігін баса айтты.

• 01.11.2023
• 161