Кездесуде ерекше қажеттілігі бар адамдарды қолдауға қатысты бірқатар мәселелер талқыланды

«АСАР» Жамбыл облысының мүгедектер одағы» заңды тұлғалар бірлестігінің төрағасы, Жамбыл облысының Құрметті азаматы Руслан Тулегенов, Ұлттық құрылтайдың мүшесі, «Мүгедек жастар қоғамы» ҚБ төрайымы Әйгерім Дәулетбаевамен кездестім.

Кездесуде ерекше қажеттілігі бар адамдарды қолдауға қатысты бірқатар мәселелер талқыланды.

Нақтырақ айтқанда, ғимараттардың мүгедектігі бар адамдарға қолжетімділігін қамтамасыз ету, «Мамыр» саябағына жете көңіл бөлу, жаңа нысандардың заман талабына сай болуы, «инватакси» жобасына қолдау білдіруді жалғастыру, мектеп жасындағы ерекше қажеттілігі бар балалардың ҰБТ тапсыруына жағдай жасау, олардың грантқа түсу мәселесі, тұрғын үй кезегі бойынша жеңілдіктер қарастыруға қатысты ұсыныстар айтылды.

Барлық мәселе заң аясында тиісті органдармен жан-жақты қаралатын болады.

Бүгінде мемлекет саясатының басым бағыттарының бірі мүгедектігі бар адамдарға әлеуметтік көмек көрсетуге, олардың өмір сүру сапасын арттыруға негізделген.

Жергілікті билік те бұл тұрғыдағы шараларды белсенді жалғастыруға, нығайтуға күш салатын болады.

• 03.11.2023
• 176