Н.Киікбаев атындағы мектеп-гимназиясының оқушылары мен мұғалімдерінің жай-күйімен таныстым.

Кеше Байзақ аудандық орталық ауруханаға барып, емделушілер - Н.Киікбаев атындағы мектеп-гимназиясының оқушылары мен мұғалімдерінің жай-күйімен таныстым.

Айта кетейік, ағымдағы жылдың 7 қарашасы күні Сарыкемер ауылындағы Н.Киікбаев атындағы мектеп-гимназияның 44 оқушысы мен 2 мұғалімі “ішек инфекциясы" диагнозымен Байзақ аудандық орталық ауруханасына жатқызылған болатын. Олардың 13-і ем қабылдаған соң, үйлеріне жіберілді.

Менің тапсырмам бойынша білім және денсаулық сақтау басқармаларының басшылары кеше Байзақ ауданына шұғыл барды.

Барлық диагностикалық және емдік шаралар облыстағы таңдаулы инфекционистер, педиатрлар, токсиколов мамандарының қадағалауымен жүзеге асуда.

Жағдай жедел түрде Республиканың бас инфекционистіне хабарланып, қажетті кеңес алынды.

Қазіргі таңда ахуал тұрақты, облыс басшылығы мен ҚР ДСМ өз бақылауында ұстауда.

Орын алған оқиғаның мән-жайын анықтау бойынша арнайы комиссия құрылды.

Мектептегі тамақпен қамтуға жауапты ЖК “Тоқсейітовтің" жұмысы уақытша тоқтатылды.

Құзыретті органдарға осы ЖК қызмет көрсететін барлық мекемелерде мектеп тағамдарының сапасын тексеруді ұйымдастыруды тапсырдым.

• 08.11.2023
• 142