Дін істері комитеті төрағасының орынбасары А. Хатиевтің Қазақстан Республикасындағы АҚШ Елшілігінің өкілі М. Смитпен кездесуі

17 қарашада ҚР Мәдениет және ақпарат министрлігінде Дін істері комитеті төрағасының орынбасары А. Хатиев Қазақстан Республикасындағы АҚШ Елшілігінің өкілі М. Смитпен кездесті.

Кездесу барысында А. Хатиев Қазақстан мен АҚШ екіжақты өзара тиімді ынтымақтастық шеңберінде, атап айтқанда, адамның діни сенім бостандығына құқықтарын қамтамасыз ету саласында сенімді қарым-қатынас орнатуды жалғастырып жатқанын атап өтті.

Бұдан басқа, Қазақстандағы діни сенім бостандығын қамтамасыз ету, сондай-ақ діни бірлестіктердің құқықтарын қорғау мәселелері бойынша тәжірибе алмасу нәтижелі талқыланды.

Кездесу соңында тараптар алдағы уақытта тығыз және өзара тиімді қарым-қатынас орнатуға ниет білдірді.

• 20.11.2023
• 240