Жамбыл облысына Швейцария, Түркия және Сауд Арабиясынан жаңа инвестициялар тартылады

Швейцария, Түркия және Сауд Арабиясының инвесторларымен бірлесіп бірқатар жобаларды жүзеге асыруды жоспарлап отырмыз.

Астанада жыл сайын өтетін KGIR инвестициялық іс-шарасы аясында 81,5 млн. АҚШ доллары көлеміндегі келісімге қол қойылды.

Олардың қатарында жол сервисінің көпбейінді кешенін іске қосу, ауыл шаруашылық азық-түлік өнімдерін шығару, мал бордақылау, ет және көкөніс өнімдерін қайта өңдеу, сондай-ақ инфрақұрылым мен ирригациялық жүйелерді дамытуға қатысты жобалар бар.

Аталған жобаларды іске асыру - жаңа инновациялық өндірістерді құруға, жергілікті тұрғындар үшін жұмыс орындарын ашуға мүмкіндік береді.

Айталық, бір ғана жол сервисі кешенін салу арқылы 900-ге жуық жұмыс орнын құру жоспарлануда.
KGIR шарасы аясында ұйымдастырылған өңірлік кластерлер бойынша панельдік сессияда және инвесторлармен өткен іскерлік кездесулер барысында шетелдік инвесторларды Жамбыл облысына инвестиция салуға шақырдым.
Шетелдік инвестициялар аймақ үшін маңызды рөл атқаратынын, инвесторларды қолдау біздің жұмысымыздың негізгі басым бағыттарының бірі болып табылатынын атап өттім.

• 21.11.2023
• 181