Қысқы төтенше жағдайларға әзірлік

Азаматтық қорғаудың мемлекеттік жүйесін жетілдіру, сондай-ақ күштер мен құралдарды басқару органдарын даярлау мақсатында облысымызда «Қыс-2023» Республикалық командалық-штабтық оқу-жаттығуы басталды.

«Қысқы кезең жағдайында төтенше жағдайлардың алдын алу және жою жөніндегі іс-шараларға мемлекеттік органдар мен азаматтық қорғау мемлекеттік жүйесінің күштерін дайындау» тақырыбында ұйымдастырылған жаттығу іс-шарасына Ұлытау облысының әкімі Берік Әбдіғалиұлы арнайы қатысып, қыс мезгіліндегі төтенше жағдайлардың алдын алуға арналған авариялық-құтқару жұмыстарының дайындығы мен шұғыл жұмыстардың іс-қимылдарын пысықтау жөніндегі практикалық іс-шаралардың нәтижелі өтуіне тілектестік білдірді.

Айта кетейік, аталмыш іс-шара облысқа қарасты барлық қала-ауданда өтті.

Сонымен қатар, оқу-жаттығу барысында қысқы кезең жағдайында ТЖ салдарын жою үшін барлық қажетті техника мен жабдықтың толық әзір екені айтылды.

ТЖ департаменті қысқы жағдайда жұмысқа 32 бірлік жоғары өтімді және инженерлік техника жабдықтар дайындап отыр. Жерүсті көліктері мен вахталық көліктер белсенді түрде іске қосылатын болады.

• 24.11.2023
• 180