Ауыл шаруашылығы қызметкерлері күні аталып өтті

Ауыл шаруашылығы, тамақ және өңдеу өнеркәсібі қызметкерлерінің күніне арналған салтанатты жиынға қатысып, сала ардагерлерін және үздік мамандарды марапаттадым.

Жалпы агроөнеркәсіп кешені облысымыздың ғана емес, бүкіл еліміздің экономикасының маңызды құрамдас бөлігі екені анық.

Мемлекет басшысы Қасым-Жомарт Кемелұлы Тоқаев ауыл шаруашылығы саласының дамуына барынша қолдау көрсетіп келеді.

Мәселен, биыл облыста агрокешенді дамытуға 81,0 млрд. теңге бөлініп, 10 мыңнан аса шаруаға қолдау көрсетілді

Нәтижесінде салада 498,6 млрд. теңгенің өнімі өндіріліп, ауыл шаруашылығының негізгі капиталына 35,1 млрд. теңге инвестиция тартылды.

Сондай-ақ, 374,1 млрд. теңгені құрайтын 28 жоба іске қосылмақ.

Биыл аймақта 57,3 мың гектарға су үнемдеу технологиясы енгізілді.

Су үнемдеу технологияларын пайдалану мақсатында мемлекет тарапынан ұңғыма қазғаны үшін 80 пайызға, инфрақұрылым жүргізген жағдайда 50 пайызға дейін қолдау көрсетіледі.

Жалпы заманауи технологияларды енгізуге барлық жағдай жасалуда. Сондықтан алдағы уақытта агросаланы одан әрі дамытуымыз қажет. Сала қызметкерлерімен бірігіп, нәтижелі еңбек етеміз деген сенімдемін.

Құрметті сала қызметкерлері!

Сiздердің қажырлы еңбектерiңiз ел экономикасының дамуына, қоғамның әлеуметтiк тұрақтылығының нығаюына зор үлес қосуда.

Істеріңізге береке, дендеріңізге саулық, отбасыларыңызға амандық тілеймін!

Кәсіби мереке құтты болсын!

• 27.11.2023
• 159