Қазынашылық комитетінің Ресей Федералдық Қазынашылығымен бірлескен бейнеконференциясы

Ағымдағы жылдың 23 қарашасында Қазынашылық комитетінің Ресей Федералдық Қазынашылығымен бірлескен бейнеконференциясы өтті. Бұл бейнеконференцияның мақсаты техникалық ынтымақтастық туралы Меморандумның ережелерін орындау аясында тәжірибе алмасу болды.

Онлайн кездесу бағдарламасында кассалық жоспарлау және өтімділікті болжау бойынша материалдар, сондай-ақ уақытша бос қаражатты түрлі қаржы құралдарына орналастыру ұсынылды. Комитеттен төрағаның орынбасары Зейнуллин Айвар Талғатұлы "өтімділікті басқару"тақырыбы бойынша сөз сөйледі.

Әңгімелесу барысында қатысушылар өз тәжірибелерімен және өтімділікті басқарудың қолданыстағы тетіктерімен, ақшаны әртүрлі қаржы құралдарына орналастырудың ең тиімді әдістерімен бөлісті.

Бұл іс – шараға Ресей Федерациясының Федералды қазынашылығы тарапынан Федералды қазынашылық басшысының орынбасарлары – Н.М. Горина, А.Ю. Демидов, сондай-ақ федералды бюджеттің орындалуын қамтамасыз ету басқармасының бастығы – Е. А. Семенова, өтімділікті басқару саласындағы Федералды Қазынашылықтың аймақаралық басқармасының басшысы - Дроздов О.И. қатысты. Сондай-ақ Комитеттен төрағаның орынбасарлары – Зейнуллин А. Т., Тюлюпов Е. К., Байгенжина А. К. қатысты.

Қорытындылай келе, Комитет басшылығы Ресейдің Федералды Қазынашылығына үнемі және жан-жақты қолдау мен ынтымақтастық үшін алғыс білдірді.

• 29.11.2023
• 213