Ауылыңда қартың болса, жазып қойған хатпен тең

«Ауылыңда қартың болса, жазып қойған хатпен тең» деген қазақтың тамаша нақыл сөзі бар.

Аймақтың, еліміздің дамуында өзіндік орны бар бүгінгі аға буын, қазыналы қарттардың әрбір айтқан өнегелі сөздері, тағылымды іс-әрекеттері, елінің, туған жерінің өсіп-өркендеуіне арнаған өлшеусіз еңбек жолдары, бір сөзбен айтқанда бүкіл болмысы тұнып тұрған тарих.

Сондай құрметке лайық, ардагер, белгілі журналист, қазыналы қаламгер, қоғам қайраткері, облыстың Құрметті азаматы Баттал Жаңабаевтың шаңырағына барып, сәлем бердім.

95 жастағы ардақты ақсақалдың өмірі бүгінгі жас буын үшін үлгі-өнегеге толы.

Қарияның ұзақ жылғы жемісті еңбегін, өңірдің руханият, журналистика саласына қосқан үлесінің мол екендігін айтып, қазыналы қарияға құрмет білдірдім.

Аймақтың алға дамуын, елдің амандығын, тыныштығын тілеген ақсақал ақ батасын берді.

«Қарты бар елдің — қазынасы бар» демекші, біз аға буын өкілдеріне қашанда ізет көрсетіп, қадірлеуге тиіспіз!

• 29.11.2023
• 203