Берік Әбдіғалиұлы: жер қытайлықтарға берілмейді

Ұлытау облысының әкімі халық арасында таралған жаңсақ пікірге қатысты жауап берді.

Жаңаарқа кентінің тұрғындарымен кездесу барысында өңір басшысы Қызылжар елдімекенінде салынатын жел электр стансаларының құрылысы - өңірдегі энергетика қажеттілігін шешуге мол мүмкіндік беретінін жеткізді.

«Жаңаарқа ауданындағы 20 гектар жерді көршілес мемлекетке меншікке немесе ұзақ мерзімді жалдауға беру жайында таралған түрлі пікір шындыққа жанаспайды. Қытайлық «Синохайдро» компаниясы инвестор ретінде қажетті қаражатты береді, жоба іске қосылып, өнім пайда әкелгеннен кейін аталған қаржы иесіне толықтай қайтарылады. Құрылыс жұмыстарын өзіміздің жезқазғандық «ТехноГруппСервис» компаниясы жүргізеді. Сәйкесінше өңірде жаңа жұмыс көздері ашылады»-деді өңір басшысы өз сөзінде.

• 01.12.2023
• 211