Ақпараттық хабарлама

Қоғамдық бірлестіктер мен коммерциялық емес ұйымдардың байқаушыларына арналған ақпараттық хабарлама.

Алматы облысының аумақтық сайлау комиссиясы (бұдан әрі – Комиссия)  Қазақстан Республикасының сайлау заңнамасына сәйкес дауыс беру күні, дауыс беру үшін ашылған сәттен бастап және дауыс беру қорытындылары анықталғанға дейін дауыстарды санау кезінде сайлау учаскесіне Қазақстан Республикасының аккредиттелген қоғамдық бірлестігі, коммерциялық емес ұйымынан бір өкіл қатысуға құқылы.

Комиссия Алматы облысы бойынша  16 қоғамдық бірлестік пен коммерциялық емес ұйымды аккредиттеді. Аккредиттелген қоғамдық бірлестіктер мен коммерциялық емес ұйымдардың тізілімімен Қазақстан Республикасы Орталық сайлау комиссиясының сайтындағы https://www.election.gov.kz/kaz/saylaudy-bay-au-boyynsha-b-men-ke-akkreditteu-reestri/ сілтемесі  арқылы танысуға болады.

Қазақстан Республикасы Орталық сайлау комиссиясының 2022 жылғы 27 желтоқсандағы № 131/626 қаулысымен бекітілген Жарғылық қызметіне сайлауды байқау жөніндегі қызметті жүзеге асыру жататын  қоғамдық бірлестіктерді және коммерциялық емес ұйымдарды аккредиттеу қағидаларына сәйкес, аккредитацияның әрекет ету мерзімі – бір жыл болып табылады.

Жарғылық қызметiне сайлауды байқау жөнiндегi қызметтi жүзеге асыру кiретiн облыстық және жергiлiктi қоғамдық бiрлестiктер мен коммерциялық емес ұйымдарды аккредиттеудi облыстардың, республикалық маңызы бар қалалардың және Республика астанасының аумақтық сайлау комиссиялары (бұдан әрi – АСК) жүзеге асырады. Аккредиттеу туралы өтінішті қарау мерзімі күнтізбелік отыз күнді құрайды.

Алматы облысында қоғамдық бірлестіктер мен коммерциялық емес ұйымдарды аккредиттеу мерзімі 2024 жылдың 24 ақпанында аяқталатынын естеріңізге саламыз.

Қоғамдық бірлестіктер мен коммерциялық емес ұйымдарды аккредиттеу бойынша барлық сұрақтар 872772 2 83 81 телефоны арқылы немесе Алматы облысы, Қонаев қаласы, Қойшыманов көшесі 4 мекен жайы бойынша хабарлассаңыздар болады.

Алматы облысының аумақтық сайлау комиссиясы

• 04.12.2023
• 152