Қонаев қаласында заңсыз жерде сауда жасағандарға айыппұл салынды

Бұған дейін қала тұрғындары 3-шағын ауданда белгіленбеген орында сауда жасағандар шаһардың келбетін құртуда, көше қоқыс алаңына айналды деп шағымданды. Осыған байланысты кәсіпкерлік, ТҮКШ бөлімдерінің мамандары полиция басқармасының қызметкерлерімен бірлесіп, рейдқа шықты. 

Нәтижесінде ҚР ӘҚБтК-нің 204-бабына сәйкес, 2 адамға айыппұл салынды. Сондай-ақ абаттандыру ережесін бұзу фактісі бойынша ҚР ӘҚБтК-нің 505-бабына сай, 1 жеке тұлғаға айыппұл салынды.

Аталғандардан бөлек, мамандар белгіленбеген жерде сауда жасауға болмайтынын айтып, кәсіпкерлермен түсіндірме жұмыстарын жүргізді. Бұл шаралар ары қарай да жалғасын табады.

• 08.12.2023
• 176