Синоптиктердің айтуынша, алдағы күндері қатты аяз күтілуде

Облыс орталығы – Тараз қаласына алғашқы қар жауып, ауа-райы суыта түсті. Синоптиктердің айтуынша, алдағы күндері қатты аяз күтілуде.

Осыған орай бүгін коммуналдық саланың басшылары мен қызметкерлерімен шұғыл жиын өткізіп, нақты міндеттер жүктедім.

Жиында ағымдағы жылыту маусымының өту барысы, жылыту кешендері мен құбырлардың жұмысы, тиісті отындардың жеткілікті болуына қатысты мәселелерді талқыладық.

Жауаптыларға тәулік бойы кезекшілік ұйымдастыру, инертті материалдардың қажетті қорын дайындау, Батыс Еуропа — Батыс Қытай автобанының бойында жылыту пункттерін ұйымдастыру, тұрғын үйлер мен әлеуметтік нысандарды үздіксіз барынша жылумен қамту, коммуналдық нысандардың күшейтілген жұмыс режиміне көшуі бойынша нақты тапсырмалар бердім.

Бұл тұрғыдағы барлық мәселелер өзімнің жеке бақылауымда болады.

• 11.12.2023
• 157