Облыс әкімі Асайын Байханов шахматтан «Pavlodar Open» халықаралық турнирінің ашылуына қатысты.

Шахмат - бұл бірегей және ақыл-ой ойыны, сонымен бірге, өнер және ғылым. Павлодар Ертіс өңірінде 30 мыңнан астам адам шахматпен айналысады, ал, ойынды үйрету өңірдің барлық мектептерінде ұйымдастырылған.

«Pavlodar Open» - 2023» Қазақстан, Ресей, Беларусь, Украина, Нидерланды, Австралия, Үндістан, Израиль, Әзірбайжан, Тәжікстан және Бангладештен келген 230 қатысушының басын қосты. Оның ішінде 64 халықаралық деңгейдегі спортшылар мен гроссмейстерлер бар.

Өңір басшысы «Qatar Masters Open» халықаралық турнирінде сенсациялық жеңіске жеткен Әлішер Сүлейменов; екі дүркін олимпиада чемпионы және Еуропа чемпионы – Александр Моисеенко, Нидерланды мен Еуропаның үш дүркін чемпионы – Сергей Тивяков және Үндістанның қола жүлдегері - Сетураман сынды шахматшылардың аталмыш турнирге қатысуы үлкен мәртебе екенін атап өтті.

Асайын Байханов барлық қатысушыларды турнирдің басталуымен құттықтап, мазмұнды партиялар, жоғары жетістіктер және жеңіс тіледі.
 

• 13.12.2023
• 179