Өңірдің жеті тұрғынына «Павлодар облысының Құрметті азаматы» атағы берілді

Облыс әкімінің ұсынысы негізінде, Павлодар облыстық мәслихатының шешімімен облыстың Құрметті азаматы атағы: мемлекеттік қызмет, білім беру ардагері Махмет Демесіновке, құқық қорғау органдарының ардагері Ерғанат Дүйсекеновке, денсаулық сақтау саласының ардагері, медицина ғылымдарының докторы Сағит Иманғазиновқа, тау-кен өнеркәсібінің ардагері Орынжан Қабдұловқа, ардагер, денсаулық сақтау саласының үздігі Зинаида Раздорскаяға, құқық қорғау органдарының ардагері Боранбай Сқақовқа, еңбек ардагері, ақын, күйші Балтабай Сыздықовқа берілді.

Облыстың Құрметті азаматтарына куәліктер мен төсбелгілерді өңір басшысы Асайын Байханов табыс етті.
- Бүгін сіздермен Ұлттық мереке - Республика күні қарсаңында кездесу мен үшін үлкен мәртебе. Құрметті азаматтар - бұл біздің өңіріміздің алтын қоры. Бұл атақ - Сіздердің көп жылғы адал еңбектеріңізді және Павлодар облысының дамуына қосқан елеулі үлестеріңізді мойындаудың айғағы, - деп атап өтті Асайын Байханов.

- Құрмет көрсеткендеріңізге үлкен рахмет! Баршамызға амандық тілеймін, елімізде әрқашан бейбітшілік пен ынтымақ болсын, - деді Зинаида Раздорская.

Павлодар облысының Құрметті азаматы атағы облыстың дамуына қосқан елеулі үлесі үшін беріледі. Өңір тарихында «Павлодар облысының Құрметті азаматы» атағына 116 адам ие болды.

• 13.12.2023
• 121