Павлодар облысының әкімі «Тәуелсіздік ұланы» сыйлығының лауреаттарын марапаттады

Беделді марапат Республика күні қарсаңында павлодарлық оқушылар мен колледж студенттеріне табысталды.

Облыс әкімдігі дарынды балаларды қолдау мақсатында «Тәуелсіздік ұланы» сыйлығын тағайындаған болатын. Сыйлық иегерлері төсбелгімен марапатталып, 172 мың теңге мөлшеріндегі біржолғы сыйақы алады.

Асайын Байханов еліміздің болашағы жастарға тікелей байланысты екенін атап өтіп, құттықтауын білдірді.
- Бүгін барлығымыз үшін ерекше күн - дарынды оқушыларды марапаттаудамыз. Дарынды балалар мен жастарды қолдау еліміздің білім беру саясатындағы басты бағыттардың бірі болып табылады,- деп атап өтті өңір басшысы. Сондай-ақ, облыс әкімі оқушыларды жоғары жетістіктерге жетелеген педагогтарға да алғысын білдірді.

Конкурсқа қатысуға барлығы 700-ден астам өтінім берілді. Қазылар алқасы «Тәуелсіздік ұланы» сыйлығының 100 лауреатын анықтады. «Әлеуметтік маңызы бар және қоғамдық қызмет» номинациясында мектептер мен колледждердің алты оқушысы басқаларды құтқаруда жасаған ерлік істері үшін марапатталды, халықаралық және облыстық олимпиадалардың 21 жеңімпазы «Ғылыми-техникалық шығармашылық және оқу-зерттеу қызметі» номинациясында марапатталды. Мектептер мен колледждердің 73 білім алушысы спорттық, шығармашылық жетістіктері, кәсіби шеберлігі үшін марапатталды.

• 13.12.2023
• 175