облыс әкімдігінде «Салауатты ұлт» ұлттық жобасын іске асыру және әлеуметтік маңызы бар өнімдердің бағасы туралы мәселелер қаралды

Ұлттық жоба аясында өңірде 8 көрсеткіш іске асырылуда. Осы жылдың 9 айы ішінде облыстың 252 елді мекеніне сапарлар жасалып, 22 мыңнан астам диагностикалық зерттеулер жүргізілді. 1 қарашадағы жағдай бойынша медициналық көмекті қаржыландыру көлемі 64,7% (жоспар - 59,4%) құрады. Биыл 20 ауруханаға күрделі жөндеу жұмыстары жүргізілуде.

Денсаулық сақтау басқармасының есебін тыңдаған Асайын Байханов оң көрсеткіштерге қарамастан, медициналық көмек көрсету жүйесін жетілдіру қажет екенін атап өтті. Денсаулық сақтау басқармасына ұлттық жобаның жоспарлы көрсеткіштерінің жауапты орындалуын бақылау тапсырылды.

- Облыс әкімдігіне денсаулық сақтау мәселелері бойынша 1273 өтініш келіп түсті, бұл өткен жылмен салыстырғанда 5%-ға артық. Жұмыстың сапасын сапалы емдеуден өтіп, денсаулығын жақсартқан адамдар санымен өлшеу керек, - деді облыс әкімі.

Сондай-ақ, жиналыста бағаның негізсіз өсуін тежеу шаралары талқыланды. Азық-түлік қауіпсіздігін қамтамасыз ету мақсатында «Форвардтық сатып алу» бойынша көкөністерді, жұмыртқаларды, сиыр еті мен нанды жеткізуге келісім-шарттар жасалды. Тұрақтандыру қорында 2,9 млрд. теңге сомасына 15 мың тонна өнім бар. «Азық-түлік корпорациясы» ҰК» АҚ қорларынан қаладағы наубайханалардың ұн тарту кәсіпорындарына 9,4 мың тонна астық жеткізу пысықталды. Азық-түлік тауарларына баға белгілеудің барлық тізбегі бойынша делдалдық схемаларды тергеу жөніндегі комиссия 55 делдалды анықтап, жойды.

Облыс әкімі әлеуметтік маңызы бар тауарлардың бағасын тұрақтандыру алгоритмін толыққанды іске асыруды, «Павлодар» ӘКК тұрақтандыру қорынан өнімдерді уақтылы іріктеуді, ауыл шаруашылығы өнімдерін өндірушілермен келісім-шарттар жасауды, делдалдар мен сауда үстемелерін анықтау жөніндегі жұмыстарды күшейтуді тапсырды

• 15.12.2023
• 191