Асайын Байханов жылу беру маусымының барысын және Екібастұзда болған дауылдың салдарын жою бойынша жұмыстарды тексерді

Тұрақты жылумен жабдықтау мәселесі бүгін кеншілер қаласына кезекті рет барған өңір басшысының тұрақты бақылауында.

Әкім Екібастұз ЖЭО-ның жұмысын тексерді, онда қатты дауылдың салдарынан қарашаның 18-нен 19-на қараған түні МАЭС-1-ден қуат алатын қосалқы станциялардың электр желілеріне зақым келген болатын. Жедел түрде таңғы беске қарай электр қуаты қалпына келтіріліп, жылумен жабдықтау тұрақтандырылды.

Екібастұз ЖЭО-дағы 10 қазандық агрегаттың 6-на күрделі жөндеу және 2-не ағымдағы жөндеу жұмыстары жүргізілді. ЖЭО штаттық режимде жұмыс істеп тұр және жылумен жабдықтаудың қажетті параметрлерін беруде. Қалған екі қазандық бойынша жұмыстар аяқталды, ағымдағы айдың соңына дейін іске қосу-баптау жұмыстары жүргізіледі.

Жылу беру маусымының өту барысы туралы жиналыста Асайын Байханов биылғы жылы ауыстырылған жаңа желілерде ешқандай ақау анықталмағанын атап өтті. Екібастұз әкімі өңір басшысының тапсырмасы бойынша тұрғын үй инспекциясының мамандары жылу желілерінің қызметкерлерімен бірлесіп жылудың жетіспеушілігіне өтініш білдірген көпқабатты үйлер бойынша жұмыстар жүргізілгенін баяндады. Бүгінгі таңда көпқабатты тұрғын үйлерді жылумен жабдықтау бойынша қалалық желілермен байланысты жүйелі мәселелер жоқ.

- Әрбір жағдай бойынша жедел әрекет ету қажет. Сапалы және үздіксіз жылумен қамтамасыз ету - біздің басты міндетіміз. Шеткі тұрғын үйлердің жағдайын тұрақты бақылауда ұстауды және әлеуметтік нысандарда температуралық режимді сақтауды тапсырамын, - деді өңір басшысы.

Сондай-ақ, жұмыс сапары барысында Асайын Байханов дауылдан зардап шеккен нысандарға барды. Қатты желдің салдарынан №20 балабақша мен №7 мектеп-гимназиясы ғимараттарының шатырлары жартылай қираған. Қазір жөндеу жұмыстары жүргізілуде. Шатырларды қалпына келтіру ТЖ салдарын жоюға бөлінген резервтегі қаражат есебінен жүргізіледі

• 15.12.2023
• 261