Бүгін облыс әкімдігінде «Ауыл - Ел бесігі» бағдарламасының іске асырылу барысы және 2024 жылға арналған жоспарлар, сондай-ақ, өңірдің орман шаруашылығын дамыту мәселелері талқыланды

Күн тәртібіндегі негізгі мәселелерді қарамастан бұрын өңір басшысы Асайын Байханов үш қаланың әкімдерінің жылу беру маусымының өтуі туралы есебін тыңдады. Жылумен қамтамасыз етуді күшейтілген режимде тәулік бойы бақылауда ұстауды тапсырды.

Әлеуметтік және инженерлік инфрақұрылымды жаңарту және өмір сүру сапасын жақсарту үшін «Ауыл - Ел бесігі» бағдарламасы аясында өңірдің 26 ауылында 9,5 млрд теңгеге 85 жоба іске асырылуда. Келесі жылы 8,8 млрд теңгеге 54 жобаны іске асыру жоспарлануда.

Асайын Байханов қалалар мен аудандардың әкімдеріне жыл соңына дейін іске асырылатын жобаларға бюджет қаражатының пайдаланылуын бақылауды, сондай-ақ, алдағы жылы мемлекеттік бағдарламаның нысаналы индикаторларына қол жеткізу үшін барлық қажетті шараларды қабылдауды тапсырды.

Сондай-ақ, жиналыста орман шаруашылығы мәселелері де қаралды. Өңірдегі орман қорының жалпы ауданы 478,7 мың га құрайды. Мемлекет басшысының орман қорын ауқымды көгалдандыру жөніндегі тапсырмасы шеңберінде ормандарды молықтырудың кешенді жоспары бекітілді. Өрттен және заңсыз кесуден келген шығындарды мекемелер орман ағаштарын отырғызу арқылы қалпына келтіруде.

Материалдық-техникалық жарақтандыруды нығайту үшін өткен жылмен салыстырғанда қаржыландыру 3 еседен астам ұлғайтылды. Орман шаруашылықтары 5 өрт сөндіру автоцистернасын, 5 шағын орман патрульдік кешенін, 33 мотоцикл, 101 рация, 11 ағаш отырғызу көлігін сатып алды. Сондай-ақ, тағы бес ШОПК жеткізу, 4 автоцистерна сатып алу күтілуде. Осылайша, өрт сөндіру көліктерімен жарақтандыру 100 % құрайтын болады.

Облыс әкімі орман шаруашылығы қызметкерлерін әлеуметтік қамтамасыз етуге назар аударуды, материалдық-техникалық базаны нығайту, орман өртін сөндірудің модульдік станцияларын орнату жұмыстарын жалғастыруды тапсырды

• 20.12.2023
• 171