Жастарға жақын болу үшін — олардың ортасынан жиі табылу маңызды

Арадағы тығыз байланыс, шекарасыз қарым-қатынас ғана жастардың жан дүниесін, көңіл күйін шынайы түсініп, мәселесіне, болмысына терең бойлауға мүмкіндік береді.

Осы орайда кеше “JarIQ” интеллектуалды ойынына қатысып, ерекше әсерге бөленгенімізді айрықша атап өткім келеді.

Облыстық мәслихаттың төрағасы, қала әкімі, бірқатар басқарма басшыларымен бірге жастардан құралған командаларға бөлініп, тартысты тапқырлық сайысын өткіздік. Жалпы ұлттық нақышта (дресс код) киініп келген алғыр жастармен бірге шын мықты топты анықтау — өзіндік ерекшеліктерімен айшықталды.

“Білімді — мыңды жығар”,-демекші, ойын барысынан жамбылдық жастардың білімді, қабілетті, дарынды әрі жан-жақты екеніне тағы бір көз жеткізе түстік. Үш сағатқа жуық уақытта олармен еркін диалог құрып, пікірлесіп, ой бөлістік.

Жастардың ауқымды бөлігін топтастыра білген өңірімізде мұндай дәстүрлі орта бар екендігі көңілге қуаныш, жанға жайлылық сыйлайды.

Алдағы уақытта да барынша жастардың жанынан табылып, түрлі орталарында болу, олардың идеяларын қолдау — біздің негізгі міндеттеріміздің бірі ретінде қала береді.

• 21.12.2023
• 166