«Жыл үздігі – 2023» спорттық номинациясы жеңімпаздарын марапаттау салтанатына қатыстым

Шара барысында жыл қорытындысы бойынша облыстағы үздік спортшылар, сала ардагерлері мен қызметкерлер, және бапкерлер марапатталды.

Биыл жамбылдық спортшылар республикалық және халықаралық жарыстарда 1600-ге жуық медаль жеңіп алды. Бүгінде 805 спортшымыз түрлі деңгейдегі Ұлттық құрама командалары сапында өнер көрсетеді.

Мемлекет басшысының тапсырмасына сәйкес өңірде бұқаралық спортты дамыту бойынша жұмыстар жалғасатын болады.

Байрақты бәсекелерде спортшыларымыз бен жаттықтырушыларымыздың табанды еңбектерінің арқасында әлі талай көк туымыз көктен желбірей береріне сенемін.

Жеңісті күндеріміз көп болғай.

• 27.12.2023
• 169