Атырау облысының азаматтық қорғау қызметі «Жер-2023» республикалық командалық-штабтық оқу-жаттығуына қатысты

Атырау облысының азаматтық қорғау қызметі «Жер-2023» республикалық командалық-штабтық оқу-жаттығуына қатысты

11-12 қыркүйек, Алматыда жер сілкінісі кезіндегі іс-қимылдар бойынша «Жер-2023» республикалық командалық-штабтық оқу-жаттығуы басталды. Оған Әзірбайжан, Венгрия, Қырғызстан, Түркия, Өзбекстан елдерінің авариялық-құтқару қызметтері қатысты.

Атырау облысының делегациясын облыс әкімінің орынбасары Қайрат Нұртаев бастап барды. Яғни азаматтық қорғау қызметтері құрамында жергілікті атқарушы органдардың басшылары, әскери бөлімдердің, ТЖ департаментінің күштері мен құралдарының өкілдері бар.

Оқу-жаттығудың мақсаты – мемлекеттік органдар мен азаматтық қорғау күштерінің жер сілкінісі кезіндегі іс-қимылға дайындық деңгейін, жалпы қауіпсіздік мәдениетін арттыру, қала тұрғындарын төтенше жағдайларда әрекет етуге үйрету.

Оқу-жаттығу кезінде шартты түрдегі табиғи апатқа байланысты жедел штаб құрылып, оның жұмысына облыс әкімінің орынбасары Нұртаев Қайрат Талапұлы жетекшілік етті.

Яғни олар сейсмикалық қаупі жоғары аймақта шоғырланған елді мекеннің халқын қауіпсіз жерге көшіру жұмыстарын жүргізді. Сонымен қатар сейсмикалық жаттығулар барысында тұрғындарға жойқын жер сілкінісі кезіндегі жүріс-тұрыс ережелерін үйретті.

• 04.01.2024
• 112