Мемлекет басшысына есеп бердім

Бүгін Мемлекет басшысына облыстың әлеуметтік-экономикалық дамуы және өңірде оның сайлауалды тұғырнамасы мен жыл сайынғы Жолдауында айтылған тапсырмалар қалай орындалатыны туралы баяндадым.
2023 жылдың қорытындысы бойынша облыстың негізгі макроэкономикалық көрсеткіштері бойынша оң динамика байқалады. Мәселен, өңдеу өнеркәсібінің көлемі 11,1%, құрылыс – 7%, негізгі капиталға инвестициялар – 8,5%, көлік-3%, тұрғын үйді пайдалануға беру 5% өсті.
Машина жасауда жеңіл автомобильдердің шығарылатын модельдерінің желісі кеңейіп келе жатқанын хабарладым. Мысалы, «СарыарқаАвтоПром» ЖШС «Chevrolet Enix» автомобильдерін шағын тораптық өндіру жобасын іске асыруда, жаңа"KIA" зауытының құрылысы басталды. Инвестиция көлемі 90,0 млрд. теңгені құрайтын жоба аясында жылына 70 мың көлік шығару жоспарланған, 1,5 мың жұмыс орны құрылады.
Өткен жылы сумен жабдықтау бойынша 21,0 млрд.теңгеден астам 69 жоба іске асырылды. Нәтижесінде ауыл тұрғындарын сумен жабдықтау қызметтеріне қолжетімділік 86,6% - ға дейін жеткізілді.
Мемлекет басшысының тапсырмасына сәйкес қазіргі уақытта Ақтөбе облысынан Қостанай қаласына дейін магистральдық газ құбырын салу үшін техникалық-экономикалық негіздеме әзірленуде. Бұл жоба өңірдің елді мекендерін көгілдір отынмен қамтамасыз етіп қана қоймай, ірі инвестициялық жобаларды іске асыру үшін қолайлы жағдайлар жасайды. Газды қажетті көлемде жеткізуді ұлғайту бірнеше жобаны іске асыруға мүмкіндік береді, атап айтқанда, ыстықтай крикеттелген темір және болат балқыту зауытын салу жоспарланып отыр. Нәтижесінде, жаңа жұмыс орындарын құрып, өңірдің дамуына экономикалық серуі тиіс.
Кездесу соңында Қасым-Жомарт Тоқаев Үкіметпен бірлесіп жылыту маусымын өткізу, өңірді газдандыру жөніндегі жобаны уақтылы іске асыру, сондай-ақ көктемгі егіс науқанына дайындық мәселелерін ерекше бақылауға алуды тапсырды.

• 15.01.2024
• 182