Павлодар мұнай-химия зауыты жаңа желіні іске қосты

Павлодар мұнай-химия зауыты - Қазақстанның мұнай өңдеу саласындағы жетекші кәсіпорындарының бірі. Зауыт мұнай өнімдерінен – әртүрлі маркалы бензинді, дизель және реактивті отынды, сұйытылған көмірсутекті газды, техникалық күкіртті, битумды, мұнай коксын, пеш отынын, техникалық көміртекті өндіруге арналған шикізаттарды шығарады.

Бүгін облыс әкімі Асайын Байханов және «ҚазМұнайГаз» ҰК АҚ басқарма төрағасы Мағзұм Мырзағалиев битум өндіретін жаңа қондырғыны іске қосу рәсіміне қатысты. Бұл жол құрылысындағы ең маңызды материалдардың бірі - битум өндірісін айына 52 мың тоннаға дейін немесе 15% ұлғайтуға мүмкіндік береді.

Жаңа қондырғының іске қосылуы отын газы мен сұйық отын бойынша жану шығарындыларын 44%-ға төмендетеді, яғни, көмірқышқыл газы шығарындыларының азаюы нәтижесінде қоршаған ортаға әсер азаяды

• 29.01.2024
• 187