Мырзабосынов Е.Қ.
ҚР Туризм және спорт министрі
Ақтоты Райымқұлова мен Олег Матыцин 2021-2023 жылдарға арналған дене шынықтыру және спорт саласындағы ынтымақтастыққа қол қойды
Қазақстан Республикасының Мәдениет және спорт министрі Ақтоты Райымқұлова мен Ресей Федерациясының Спорт министрі Олег Матыцин дипломатиялық арналар көмегімен 2021-2023 жылдарға арналған дене шынықтыру және спорт саласындағы ынтымақтастыққа қол қойды.
Тараптар 2005 жылы 11 наурыздағы ҚР-ның Мәдениет, ақпарат және спорт министрлігі мен РФ-ның Дене шынықтыру және спорт жөніндегі агенттігі арасындағы Хаттама мен ТМД және әртүрлі халықаралық ұйымдар аясындағы өзара іс-қимылдың маңыздылығын ескере отырып, әріптестік орнатты.
-
Бағдарламаның негiзгi мақсаты мен мiндеттерi
Бағдарламаның мақсаты – азаматтардың дене шынықтыру және спортпен айналысу құқығын қамтамасыз ету, жоғары дәрежелі спортшыларды халықаралық бәсекелерге даярлау жүйесін құру, дене шынықтыру-сауықтыру және спорт ғимараттарын тиімді пайдалану, спорттық ғылым мен допингке қарсы қызмет саласында тәжірибе алмасу, спорт саласындағы өзара тиімді ынтымақтастықты дамытуға бағытталған іс-шаралар кешенін жүзеге асыру. Бағдарлама екі елдің дене шынықтыру мен спорт саласындағы барлық ұйымын қамтиды.
Бағдарламаны орындау процесi мынадай негізгі мiндеттердi шешуді көздейді:
Екі мемлекет аумағындағы дене шынықтыру-сауықтыру және спорт нысандарында ұлттық құрамалардың бірлескен оқу-жаттығу жиындарын өткізуге күш-жігер біріктіру;
Салауатты өмір салтының маңызды құрамдас бөлiгi ретінде дене шынықтыру мен спортты насихаттау;
Халықаралық деңгейде Қазақстан мен Ресейдің жағымды спорттық бейнесін қалыптастыру, беделін арттыру;
Үкіметаралық және өзге де халықаралық спорт ұйымдары қызметі аясында спорт пен допингке қарсы күрес саласында бірлескен ұсыныстарды ілгерілету;
Дене шынықтыру және спорт саласында бірлескен ғылыми іс-шаралар ұйымдастыруға, ғылыми кадр даярлауға көмектесу.
- 03.02.2021
- 324
