"ҚазАвтоЖол" ҰК" АҚ Алматы облыстық филиалында тағайындау

Ағымдағы жылғы 12 ақпаннан Ғани Әуезханұлы Мырзаханов «ҚазАвтоЖол» ұлттық компаниясы» акционерлік қоғамының Алматы облыстық филиалының директоры болып тағайындалды.

Ғани Әуезханұлы 1966 жылы туған, білімі жоғары.

1991 жылы Алматы автомобиль - жол институтын автомобиль жолдарының инженер-құрылысшысы мамандығы бойынша аяқтаған.

Еңбек жолын 1991 жылы Алматы «Стройпроект» ғылыми-зерттеу институтында инженер-технологы болып бастаған.

Әр жылдары «Жамбыл жолдары» акционерлік қоғамында, «Жуалы жол сервис», «Прогресс» фирмасы», «Тау-Кен», «Прогресс» корпорациясы» жауапкершілігі шектеулі серіктестіктерінде  басшылық қызметтер атқарған.

Сондай-ақ, мемлекеттік қызметте де тәжірибесі бар. 2008 жылдан Алматы қаласының жолаушылар көлігі және автомобиль жолдары басқармасы басшысының орынбасары, 2021 жылдан Алматы қаласының қалалық мобилділік басқармасының басшысы лауазымында еңбек еткен.

Жаңа лауазымға тағайындалғанға дейін «Юнидас» жауапкершілігі шектеулі серіктестігінде директордың орынбасары қызметін атқарған.

• 19.02.2024
• 141