«Ұлы дала» шағын ауданын жылумен қамту жұмыстарының сапасын тексердім

Әлеуметтік желілерде тұрғындардың жариялаған шағымдары бойынша Тараз қаласындағы «Ұлы дала» (15) шағын ауданына барып, көпқабатты тұрғын үйлерді жылумен қамту сапасын, жертөледегі сорғы құрылғыларының қызметін тексердім.

Тұрғындар бірқатар коммуналдық мәселелерді көтеріп, жылудың тұрақты берілуіне қатысты өтініштерін жеткізді.

Мұндағы жылытуға қатысты мәселелерді кешенді түрде шешу үшін жүйелі жұмыстар қажет.

Шағын ауданның жылыту жүйесіне арналған қосалқы сорғы станциясының құрылыс жұмыстарын жеделдетіп аяқтап, іске қосуды тапсырдым.

Бұл нысан шағын аудан тұрғындарын қажетті жылумен тұрақты қамтуға, жылу ағымын реттеуге мүмкіндік береді.

Сондай-ақ, шағын аудандағы жылу жүйелерінің ауқымын ұлғайту жоспарлануда.

Бұдан бөлек қала басшылығына аталған шағын аудандағы барлық көшелерді асфальттаудан өткізу бойынша нақты міндеттер жүктедім.

• 21.02.2024
• 116