Ұлт денсаулығы – Мемлекет саясатының басты бағыттарының бірі

Ұлт денсаулығы – Мемлекет саясатының басты бағыттарының бірі.

Бұл тұрғыда елімізде азаматтардың денсаулығын жақсартуға, медициналық қызметтің қолжетімді әрі сапалы болуын қамтамасыз етуге ден қойылуда.

Ғимараттар жаңартылып, материалдық-техникалық база нығайтылуда.

Осы орайда кеше облыстың барлық аудандары мен Тараз қаласындағы бірқатар медициналық мекемелерге 40 санитарлық жедел жәрдем көлігі табысталды. Жыл соңына дейін тағы 30 бірлік көлік беру көзделуде. Бұл медициналық көліктердің тозу көрсеткішін 47 пайыздан - 18 пайызға дейін төмендетуге мүмкіндік береді.

Бұл бағыттағы жұмыстар жалғасады.

Айта кетейік, өткен жылы өңірде 19 медициналық нысан пайдалануға беріліп, 11 нысанға күрделі жөндеуден өтсе, биыл 24 медициналық нысанның құрылысы жүзеге асады.

Ендігі басты талап – тұрғындарға сапалы қызмет көрсету.
 

• 21.02.2024
• 115