Құрылыстардың сапасы мен мерзімі – қатаң бақылауда болады

Бүгін Байзақ ауданы мен Жамбыл ауданындағы бірқатар құрылыстардың барысын тексердім.

Байзақ ауданы Сарыкемер ауылындағы «Жайлы мектеп» Ұлттық жобасы аясында салынып жатқан 600 орынды мектептің, аталған ауылдағы және Жамбыл ауданы Қаракемер ауылындағы спорт кешендерінің құрылысымен таныстым.

Жауаптыларға жұмыстарды мерзімінде аяқтау, сапасын қадағалауда ұстау бойынша нақты міндеттер жүктедім.

Өткен жылы облыс бойынша 111 нысанның құрылысы аяқталды.

Биыл 206 жоба бойынша құрылыс жұмыстары қолға алынуда (білім -21, «Жайлы мектеп» - 12, денсаулық - 9, спорт - 15, мәдениет - 11, тұрғын үй - 56, ауыл шаруашылық - 9, ИКИ - 66, ішкі істер, ТЖ - 2 нысан). 

Ағымдағы жылдың соңына дейін 159 жоба пайдалануға беріледі деп көзделуде.

Барлық нысандар бойынша мердігерлер өз міндеттерін сапалы орындауы тиіс.

Алдағы уақытта әр апта сайын демалыс күндері аудандарды аралап, жергілікті жердегі ахуалды, құрылыс алаңдарындағы жағдайларды тексеру шараларын тұрақты түрде жалғастыратын боламыз.

• 21.02.2024
• 117