Взводтардың даярлығы жөнінде

Ақпанның 1-нен бастап әскерлер взводтардың даярлығына кірісті. Аппарат кеңесінде жауынгерлік даярлықтың қарқындылығын төмендетпей, санитарлық-эпидемиологиялық талаптарды сақтай отырып, әскер түрлерінің бас қолбасшысы мен өңірлік қолбасшылықтардың қолбасшыларына нұсқау бердім.
Практикалық сабақтарды рұқсат етілген температура режимін ескере отырып, тек таза ауада өткізу керек. «Қызыл» аймақтарда әлеуметтік ара қашықтықты сақтау мен бөлімшелер арасындағы байланысты қатаң бақылауды қамтамасыз ету қажет.
Взводтарды үйлестіру барысында командирлер бағыныстылардың жауынгерлік іс-қимылдарын тұрақты басқаруды үйретуге, қарулы қақтығыстардағы жауынгерлік іс-қимылдар тәжірибесіне сүйене отырып, күндізгі және түнгі жағдайларда бөлімшелерде жауынгерлік атыс жүргізуге назар аударылды.

• 04.02.2021
• 239