Бородулиха ауданы Новая Шульба ауылындағы «Арнаулы әлеуметтік қызметтерге мұқтаж балаларды қолдау орталығы» КММ-н арнайы араладым

Бородулиха ауданы Новая Шульба ауылындағы «Арнаулы әлеуметтік қызметтерге мұқтаж балаларды қолдау орталығы» КММ-н арнайы араладым. Мекеменің қазіргі жағдайымен танысып, көрсетілетін қызметтердің тиімділігі мен сапасын арттыруға бағытталған қызметкерлердің ұсыныстарын тыңдап, тәрбиеленушілермен тілдестім.

Бүгінде орталықтың тәрбиеленушілері инновациялық жобаларды әзірлеумен белсенді айналысады. Жуық арада Семейде ІТ-колледжі ашылатын жеткізіп, балаларға цифрлық жобаларды әзірлеуді жалғастыруға кеңес бердім. 

Қазіргі уақытта IT саласы қуатты әлеуметтік бағыт болып саналады және біздің аймақ осы салаға ерекше назар аударып отыр. Жаңа колледж Абай өңіріндегі болашақ IT мамандарын оқытудың негізгі буыны болады. Десекте, біз мұнымен тоқтап қалмай тағы да маңызды жобаларды жүзеге асыруды жоспарлап отырмыз. Егер өз болашақтарыңызды осы саламен байланыстырсаңыздар, біз сіздерді қолдауға дайынбыз. 

Қазіргі уақытта орталықта 40-тан астам тәрбиеленуші тұрады. Орталық 3 жастан 18 жасқа дейінгі арнаулы әлеуметтік қызметтерге мұқтаж балаларға, сондай-ақ физикалық және психикалық дамуында ауытқулары бар балаларға қолдау көрсетеді.

Балаларды жан-жақты дамыту мақсатында орталықта шығармашылық және спорттық бағыттағы 20-дан астам үйірме мен секция жұмыс істейді. Мысалы, хореография, тілашар, intellectum, бейнелеу өнері, журналистика, робототехника бағытындағы үйірмелер балаларға әлеуметтік бейімделуге және өз қабілеттерін ашуға мүмкіндік береді. Қолдау орталығының аумағында спорттық-ойын алаңдары да орналасқан. 

Мұнда тәрбиеленушілердің жайлығы мен қауіпсіздігі үшін: бейнебақылау камералары, жылу қазандығы, кір жуатын орын орнатылған, орталықтың аумағы толығымен қоршалған, жарықтандыру және т.б. жүргізілген. 

Жақын уақытта балалардың қыста спортпен шұғылдану үшін жабық хоккей кортын салу жоспарлануда. Қазір жобалау-сметалық құжаттама әзірленуде

• 24.02.2024
• 215