Семей қаласын арнайы аралап, қысқы күтіп-ұстау жұмыстарын тексердім

Орынбасарларым Димитрий Гариков, Әділбек Мұсабаевпен, сондай-ақ басқарма басшыларымен бірге Семей қаласын арнайы аралап, қысқы күтіп-ұстау жұмыстарын тексердім.

Аралау барысында алғашқы болып Чернышевский атындағы №1 орта мектеп болды. Бұл бір ғасырға жуық тарихы бар Семейдегі ең көне оқу орындарының бірі. Бүгінде мектепте 868 оқушы білім алады, ал педагогикалық ұжым толық 100%-ға қамтамасыз етілген. Өткен жылы оқу кабинеттеріне жөндеу жұмыстары жүргізіліп, аула аумағына асфальт төселді. Мектепте 18 оқу кабинеті, сонымен қатар педагог-психологқа арналған үй-жайлар, медициналық кабинет және асхана бар.

Мектеп өзінің спорттық жетістіктерімен танымал болғанымен, білім ордасында шағын ғана спорт залы бар. Оқу жағдайын жақсарту үшін жаңа спорт және акт залын салу қажеттігін  айттым.

Бұдан бөлек, көлік кептелісі жиі тіркелетін Чехов көшесіндегі базар маңын да араладым. Жағдаймен жеке танысып, тұрғындарға қолайсыздық тудырмас үшін Полиция департаментіне автотұрақ ережелерінің сақталуын жүйелі түрде қадағалауды тапсырдым.

Облыс орталығының қысқы күтіп-ұстау жұмыстарын тексеру барысында қоғамдық орындардың жағдайына ерекше назар аударылды. Жауапты мемекелерге көше және жаяу жүргіншілер жолдарын қардан тазалауды, көктайғақты болдырмау үшін жұмыстарды жандандыруды жіті тапсырдым.

Қаланың барлық маңызды нысандары мен көшелерінде, сондай-ақ жаңа қоғамдық кеңістіктерде қысқы күтіп-ұстауды жоғары дәрежеде жүргізу қажет. Бұл қала тұрғындары мен қонақтарының қауіпсіздігіне және де бос уақыттарын осы жерлерде өткізуге ыңғайлы болуы үшін маңызды. Жауапты ұйымдарға жағдайды қатаң қадағалауы тиіс.

Тұрақты түрде Семей қаласын аралап, тұрғындармен жиі кездесіп, облыс орталығына қатысты барлық түйткілді мәселелермен жеке танысып, барлығын жеке бақылауында ұстаймын.

• 24.02.2024
• 175