Шәкәрім атындағы университеттің студенттермен кездестім

Биыл Шәкәрім атындағы университетке 90 жыл толып отыр. Мереке аясында бірқатар іс-шаралар ұйымдастыру жоспарланған. Осы орайда «Білімді жастар – өңірдің әлеуметтік-экономикалық дамуының басты қозғаушы күші» тақырыбында дәріс өткізіп, жастарға өз тәжірибеммен бөлісіп, болашаққа деген көзқарасын білдім.

Жаңа өңірдің алдына қойған жоспарлары өте ауқымды. Сөз жоқ, 25 жыл облыс мәртебесінен айырылып, өңір экономикасы тұралап қалды. Түйткілді мәселелер өте көп. Бірақ, алғашқы нәтижелер, ісімізге сенім ұялатады. Олардың қатарын кім толтыратыны, болашақта бізбен бірге кім қалатыны өзімізге байланысты, бұл біздің ортақ ісіміз.

IT саласы мен жасанды интеллектті дамыту жоспары, креативті индустрияның және жастардың ғылыми зерттеулері мен стартаптарын қолдаудың маңыздылығы туралы атап өткен жөн.

Жаңадан құрылған Абай облысының дамуы – өздеріңіздей мамандар қолында. Ел Президентінің арнайы тапсырмасымен облыстағы жоғары оқу орындарына қосымша 500 грант бөлінді. Араларыңда сол грантты иеленген студенттердің отырғаны қуантады. Кез келген қоғам үшін сапалы маман әрқашан бағалы! Сондықтан, осында отырған әр маман, Семейді, Абай елін көркейтуге күш салады деп сенемін.

Студенттер өз кезегінде жастар бағдарламасы, ғылым, ақпараттық технологиялар, креативті индустрия және т.б. салаға қатысты сауалдарын қойды.

Жиналғандар үшін ғылыми көрме ұйымдастырылды. Университет студенттері әзірлеген стартап, жоба мен бағдарламалар ұсынылды.  Радиоэкологиялық ғылыми-зерттеу орталығында да болдым. Зертхананың қызметі химиялық талдау, сканерлік электронды микроскопия, дозиметрия және радиациялық бақылауды қоса алғанда, аналитикалық әдістерді қолдана отырып, заттардың қасиеттерін зерттеуге бағытталған

• 24.02.2024
• 206