Тұрғындардың арыз-шағымдары үнемі назарымда

Семей қаласының тұрғындарының әлеуметтік желіде көтерген, яғни рұқсат етілмеген гараждарды, әлеуметтік, спорттық және қоғамдық орындарға кіруге шектеу қою туралы арыздары бойынша және білім, әлеуметтік орындарды араладым.

Бірінші нысан Жамақаев көшесіндегі қоғамдық кеңістік болды. Оның аумағында баскетбол алаңы мен демалыс орнын құру жоспарланып отыр. Қала әкімі Нұрбол Нұрсағатовпен бірге спорт алаңдарын орналастырудың оңтайлы аумағы анықталды.

Бегалин мен Челюскинцев көшелерінің қиылысындағы металл гараждардың орналасуымен де таныстым. Танысу барысында тұрғындардың бос уақытын өткізетін қоғамдық кеңістік жасау, сондай-ақ жастарға арналған аула клубын ашу идеясы ұсынылды.

Келесі Құзіреттілік орталығының (ҚБЖО) әкімшілік ғимаратында болдым. Орталық студенттері жаңа цифрлық жобаларды ойлап тауып, мобильді қосымшалар әзірлейді және жыл сайын WorldSkills чемпионатында жүлделі орындарға ие болады. Олар дауыстық командаларға жауап беретін «Ақылды үй» жобасын ұсынды. Өз кезегінде Студенттерге тәжірибелік сабақтардан өту орындарын ұсындым.

Бізге IT мамандар қажет, оларға дұрыс бағыт-бағдар беру керек. Мамандарға тек теориялық білім ғана емес, сонымен қатар практикалық тәжірибе үшін нақты мүмкіндіктер болуы тиіс. Ең бастысы, бізде адами капиталымыз және болашақ көшбасшыларымыз бар. Біз өз кезегімізде оларға көмектесеміз.

Өңірдегі ІТ саласының қарқынды дамуын ескере отырып, 2024 жылдың екінші жарты жылдығында Семей қаласы Затаевич көшесі 4 үй мекен-жайында орналасатын IT және робототехника жоғары колледжін ашу қарастырылған. Қазіргі таңда терезелерді жөндеу, электр қуаты және жылу жүйелері жүргізіліп жатыр. Сонымен қатар, жоспарға сәйкес ғимараттың шатыры мен қасбеттін жөндеу, оқу ғимаратының ішкі жөндеу жұмыстары, «ақылды жылыту мен жарықтандыруды» енгізу, сондай-ақ кеңістікті жобалау қарастырылған.

Арнайы аралау барысында орынбасарларым мен басқарма басшыларына барлық жұмыстарды мерзімінде аяқтау жөнінде тапсырма бердім.

• 24.02.2024
• 231