Әлихан Бөкейхан университетінің студенттерімен кездестім

Шығармашылық алаңдардың салтанатты ашылуына қатыстым.

Шығармашылық саланың дамуына үлес қосқысы келетін жастардың шығармашылық бастамаларын қолдаудың маңыздылығын атап өткім келеді.  Ол үшін әкімдік  жан-жақты қолдау көрсетуге дайын.

«IT Space» алаңында университеттің «Abai IT-Valley» инновациялық технокластерінің кәсіби қауымдастықтары мен жобалары бар. Оның ішінде: робот құрастыру, аддитивті технологиялар (3D принтинг), компьютерлік және мобильді ойындарды әзірлеу, цифрлық анимация, жасанды интеллект және т.б. бағыттар бойынша түрлі жобалар ұсынылады.

«АРТ кеңістік» алаңы - карикатуристі, талантты суретші Мухтар Сапаровтың картиналарының digital art стиліндегі қала мен өңір өмірінің көкейкесті мәселелерін кескіндеген туындыларына арналған.

«Media Lab» алаңы – медиа индустрияға қадам басқан фотографтар, видеографтар, мобилографтар мен SMM мамандарының шығармашылық бастамаларын жүзеге асыруға қолдау көрсететін алаң. Бұл платформалар жастарға шығармашылықтың әртүрлі салаларында өз таланттарын көрсетуге, тәжірибе алмасуға мүмкіндік береді.

Шығармашылық алаңдар университеттің түрлі ғимараттарында орналасқан.

• 24.02.2024
• 215